Ghazal

Ghazal:

"دعا 

(مسجد قرطبہ ميں لکھي گئي)
 

ہے يہي ميري نماز ، ہے يہي ميرا وضو
 

ميري نواؤں ميں ہے ميرے جگر کا لہو
 

صحبت اہل صفا ، نور و حضور و سرور
 

سر خوش و پرسوز ہے لالہ لب آبجو
 

راہ محبت ميں ہے کون کسي کا رفيق
 

ساتھ مرے رہ گئي ايک مري آرزو
 

ميرا نشيمن نہيں درگہ مير و وزير
 

ميرا نشيمن بھي تو ، شاخ نشيمن بھي تو
 

تجھ سے گريباں مرا مطلع صبح نشور
 

تجھ سے مرے سينے ميں آتش 'اللہ ھو'
 

تجھ سے مري زندگي سوز و تب و درد و داغ
 

تو ہي مري آرزو ، تو ہي مري جستجو
 

پاس اگر تو نہيں ، شہر ہے ويراں تمام
 

تو ہے تو آباد ہيں اجڑے ہوئے کاخ و کو
 

پھر وہ شراب کہن مجھ کو عطا کہ ميں
 

ڈھونڈ رہا ہوں اسے توڑ کے جام و سبو
 

چشم کرم ساقيا! دير سے ہيں منتظر
 

جلوتيوں کے سبو ، خلوتيوں کے کدو
 

تيري خدائي سے ہے ميرے جنوں کو گلہ
 

اپنے ليے لامکاں ، ميرے ليے چار سو!
 

فلسفہ و شعر کي اور حقيقت ہے کيا
 

حرف تمنا ، جسے کہہ نہ سکيں رو برو" 

...